வங்கதேசத்தில் சுதந்திரப் போராட்ட தியாகிகளின் வாரிசுகளுக்கான வேலை வாய்ப்பு இட ஒதுக்கீட்டுக்கு எதிராக மாணவர்கள் கடந்த சில வாரங்களுக்கு முன்பு போராட்டத்தில் ஈடுபட்டனர். இந்த போராட்டம் நாளுக்கு நாள் தீவிரம் அடைந்து நாடு முழுவதும் கலவரமாக பரவியது. ஒரு கட்டத்தில் இந்த போராட்டத்தில் பொதுமக்களும் பங்கேற்றனர்.
கலவரத்தை கட்டுப்படுத்த நாடு முழுவதும் ராணுவத்தினர் பாதுகாப்புக்காக குவிக்கப்பட்டனர். ஆனால் நிலைமை கையை மீறி சென்றது. இந்த கலவரத்தில் இதுவரை நூற்றுக்கணக்கானோர் கொல்லப்பட்டுள்ளனர். அரசுக்கு எதிரான போராட்டமாக மாறியதை தொடர்ந்து, பிரதமர் ஷேக் ஹசீனாவின் வீட்டை போராட்டக்காரர்கள் முற்றுகையிடப் போவதாக தகவல் வெளியானது.
இஸ்லாமியர்கள் இந்து கோவில்களை நிர்வகிக்க அனுமதிப்பீர்களா? வக்பு வாரிய சட்ட திருத்தத்திற்கு எதிராக கொதித்த கனிமொழி!
இதையடுத்து அவர் நாட்டை விட்டு வெளியேற 45 நிமிடங்கள் மட்டுமே நேரம் கொடுக்கப்பட்டது. இதையடுத்து உயிர் பிழைத்தால் போதுமென ராணுவ விமானம் மூலம் வங்கதேசத்தில் இருந்து வெளியேறி இந்தியாவில் தஞ்சம் அடைந்துள்ளார். இதனை தொடர்ந்து பிரதமரின் அதிகாரப்பூர்வ இல்லத்தை பொதுமக்கள் முற்றுகையிட்டனர்.
ஓணம் பம்பர் லாட்டரியில் முதல் பரிசு ரூ. 25 கோடி.. குலுக்கல் எப்போது? வெளியானது அறிவிப்பு!
வீட்டிற்குள் நுழைந்து சேதப்படுத்திய மக்கள் கையில் கிடைத்த பொருட்களை எல்லாம் அள்ளிக்கொண்டு போயினர். ஷேக் ஹசீனாவின் ஆடைகளையும் மக்கள் அள்ளிச் சென்ற காட்சிகள் வெளியானது. இந்நிலையில் மாற்று உடைக் கூட இல்லாமல் கட்டிய புடவையோடு இந்தியா வந்த ஷேக் ஹசீனா, மத்திய அரசால் ரகசிய இடத்தில் தங்க வைக்கப்பட்டுள்ளார்.
கேரளா 50 – 50 லாட்டரி முடிவு வெளியீடு.. ரூ. 1 கோடியை தட்டித்தூக்கிய நம்பர் இதுதான்!
இந்நிலையில் ஷேக் ஹசீனா காசியாபாத்தில் உள்ள ஒரு வணிக வளாகத்திற்கு ஷாப்பிங் சென்றார். அங்கு 30000 ரூபாய் மதிப்புள்ள சில அத்தியாவசியப் பொருட்களை வாங்கினார் ஷேக் ஹசீனா. ஷாப்பிங் செய்யும்போது அவரிடம் பணம் தீர்ந்துவிட்டதாக கூறப்படுகிறது. அவரால் அதிக சாமான்களை எடுத்துச் செல்ல முடியவில்லை. அவருடன் சில சூட்கேஸ்கள் மற்றும் பைகள் எடுத்து வந்துள்ளார்.
தனக்கும் தன் தங்கைக்கும் ஆடைகள், அன்றாட உபயோகப் பொருட்களை ஷேக் ஹசீனா வாங்கினார். ஷேக் ஹசீனா மீண்டும் மற்றும் மனதை உறுதி செய்வதற்கான நேரத்தையும் இடத்தையும் இந்தியா அவருக்கு வழங்கியுள்ளது. இதனிடையே வங்க தேசத்தில் புதிய இடைக்கால அரசு அமைக்கப்பட்டுள்ளது. முகமது யூனஸ் தலைமையில் புதிய அரசு அமைக்கப்பட உள்ளது.